Вашингтонда 60 минг нафар одамлар кучли ёнғинлар туфайли уйларини ташлаб кетишди

Вашингтон штатининг Спокан округида содир бўлган улкан ўрмон ёнғинлари туфайли тахминан 60 000 киши уйларини ташлаб кетишга мажбур бўлди.

Associated Press хабарига кўра, ёнғинлар аллақачон камида 600 та иншоотни вайрон қилган.

Агентлик маълумотларига кўра, штатнинг иккинчи йирик шаҳри бўлган Спокан яқинида авж олган ёнғинлар дам олиш кунлари тахминан 21 квадрат километр майдонни қамраб олган.

Вашингтон губернатори Боб Фергюсон АҚШ президенти Дональд Трамп билан вазиятни муҳокама қилганини ва федерал ҳокимиятдан ёнғинларга қарши курашда қўшимча ёрдам сўраганини эълон қилди.

"Президент вазият ҳақида маълумот олди ва штат аҳолиси учун хавотир билдирди. Биз федерал ёрдам мавжудлигини таъминлаш учун биргаликда ишлашда давом этамиз", деди Фергюсон.

Аввалроқ, Вашингтондаги ўрмон ёнғинларига қарши курашиш учун Миллий гвардия бўлинмалари сафарбар қилинган эди. Штатда ёнғинлар қамраб олган умумий майдон тахминан 1000 квадрат километрга етди, шу билан бирга, Спокейн ҳудудидаги ёнғинларни ҳам ўз ичига олган баъзи ёнғинлар ҳали ҳам ўчирилмаган.