Қўшма Штатлар Хитойдан почта жўнатмалари учун тарифларни 120 фоиздан 54 фоизга туширади. Бу ҳақда АҚШ президенти Доналд Трампнинг ижро фармонида айтилган.
Ҳужжатга кўра, ўзгаришлар АҚШ шарқий соҳили вақти билан 14 май соат 00:01 дан (Боку вақти билан 08:01) кучга киради. Шу билан бирга, жўнатиш учун минимал белгиланган тўлов ҳали ҳам 100 долларни ташкил этади.
Аввалроқ Трамп Хитойдан АҚШга жўнатиладиган посилкаларга қўйиладиган тариф 120 фоизгача оширилишини маълум қилганди. Шунингдек, у 2 майдан бошлаб Хитойдан 800 доллар ва ундан паст бўлган товарлар энди божлардан озод этилмаслигини таъкидлади.
АҚШ Хитой импортига қўшимча божларни уч марта оширди, натижада улар 145 фоизга етди. Бунга жавобан Хитой апрель ойида Американинг барча маҳсулотларига божларни 125 фоизга оширди.
АҚШ ва ХХР ўртасидаги савдо-иқтисодий масалалар бўйича музокаралар 10-11 май кунлари Швейтсарияда бўлиб ўтди. 12 май куни томонлар 2025 йил 14 майдан бошлаб божларни ўзаро камайтиришини маълум қилди.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
Россия Украинани виждонсизларча ўққа тутмоқда
