Америка компанияси - компютер ўйинлари ишлаб чиқарувчиси Valve шу йилнинг ёзида Counter-Strike 2 шоотерини чиқаради. Яқинда студия онлайн ўйиннинг янги версиясининг ёпиқ бета-тестини бошлади. Бу ҳақда ўйиннинг твиттердаги расмий саҳифасида хабар берилди.
“Ўйиннинг барча янги функциялари шу ёзда расмий версияда тақдим этилади, бироқ Counter-Strike 2 га йўл бугун чекланган синовдан бошланади”, дейилади ўйин веб-сайтида.
Counter-Strike 2 Source 2 двигателида ишлаб чиқарилган.У аввалги қисмларга қараганда кўпроқ реал текстурага эга бўлади: ёруғликка реакцияга киришувчи тутун, шунингдек, бошқа график яхшиланишлар. Барча эски хариталар сезиларли даражада модернизация қилинди, шунингдек, тўлиқ янгиланган фойдаланувчи интерфейси.
Valve Counter-Strike 2 нинг яқинлашиб келаётган ишга туширилишини серия тарихидаги энг муҳим техник ютуқ деб атайди.
