Ўзбекистонликлар илк бор АҚШда қишлоқ хўжалиги ишларига жалб қилинади

Миграция агентлиги раҳбари Беҳзод Мусаєв USA Farm Labor ташкилоти вакили Мануел Фик билан онлайн музокара ўтказди.

Унда ўзбекистонликларни H-2A виза программа орқали АҚШдаги мавсумий қишлоқ хўжалиги ишларига жалб қилиш масаласи муҳокама қилинди.

Хусусан, АҚШда ишлаш даври 9–10 ой давом этади. Ўртача ойлик 3 500 долларни ташкил қилиб, ишчилар иш берувчи ҳисобидан турар жой билан таъминланади.

Номзодларни танлашда малакали мутахассисларга устуворлик берилади.

Учрашув якунида ҳамкорлик бўйича келишувга эришилди.