Бугун Жазоирнинг Оран шаҳрида қиличбозликнинг сабля йўналиши бўйича катталар ўртасидаги Жаҳон кубоги старт олади. Аёллар ўртасидаги беллашувларда Ўзбекистон терма жамоаси аъзоси Зайнаб Дайибекова ҳам қатнашади.
Ҳамюртимиз сараланган 16 спортчи орасидан жой олгани учун бугун гуруҳларда ўтадиган дастлабки босқични ўтказиб юборади. Дайибекова эртага 1/32 финал босқичидан баҳсларга киришади.
