Ўзбекистонлик ММАчи UAE Warriors чемпиони бўлди

Бирлашган Араб Амирликларининг Абу-Даби шаҳрида ММА бўйича UAE Warriors 55 турнири ташкил этилди.

Кечанинг марказий жангида ҳамюртимиз Ҳотамбек Бойназаров ярим ўрта вазнда UAE Warriors чемпиони, озарбайжонлик Тоҳир Абдуллаев билан жанг қилди.

Чемпионлик жанги тўлиқ 5 раунд давом этди ва унда ҳакамларнинг якдил қарори билан Ҳотамбек Бойназаров ғалаба қозониб, ярим ўрта вазн тоифасида UAE Warriors чемпионига айланди.

Ҳотамбек фаолиятидаги ўнинчи жангида ўнинчи ғалабасига эришди. Тоҳир Абдуллаев эса йигирманчи жангини ўтказиб, учинчи мағлубиятини қабул қилди.