Ўзбекистондаги қарийб 2100 та жоме масжидда Рамазон ҳайити намози ўқилди — фото

Ўзбекистон мусулмонлари идораси раиси Ҳайит намозини адо этиш мақсадида Тошкентдаги “Ракат” жомесига борди.

Бугун эрта тонгдан Ўзбекистондаги қарийб 2100 та жоме масжидда Рамазон ҳайити намози ўқилди, дея хабар берди Ўзбекистон мусулмонлари идораси матбуот хизмати.

Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Ҳайит намозини адо этиш ва мўмин-мусулмонларни улуғ байрам билан муборакбод этиш мақсадида Тошкент шаҳридаги “Ракат” жомесига борди.

Дастлаб бомдод намози ўқилиб, хайрли дуолар қилинди. Сўнгра Муфтий масжидга йиғилган барча мўмин-мусулмонларни муборак байрам билан қутлади.

Эслатиб ўтамиз, Ўзбекистон масжидларида 30 март – якшанба куни Рамазон ҳайити намози ўқилди.