Абдуллар Қодирий номидаги хиёбонда (суратда) Ўзбекистондаги биринчи японча меҳмонхона қурилади.
Меҳмонхона 5 қаватли бўлиб, 7300 квадрат метр майдонда бунёд этилади. Бинонинг ташқи кўриниши миллий архитектура, ичи эса японча услубда бўлади.
Лойиҳа билан H.I.S. Hotel Holdings Co. компанияси шуғулланмоқда. Нархи 13 млн. доллар бўлиб, хорижий инвестициялар ҳисобидан амалга оширилади.
Янги меҳмонхонада 140 та номер бўлади. Қурилиш ишлари 2020 йилда бошланиб, 2022 йилда якунланади.