Кеча, 15 март куни Ёш томошабинлар театри актрисаси, Ўзбекистон халқ артисти Дилбар Абдулазизова 68 ёшида вафот этди. Бу ҳақда qalampir.uz ёзмоқда.
Дилбар Абдулазизова 1951 йили Тошкент вилоятида туғилган. У ҳозирги Ўзбекистон давлат санъат ва маданият институтида таҳсил олган.
1973 йилдан буён то умрининг сўнгги кунларигача Ёш томошабинлар театрида фаолият юритди. Қизил қалпоқча , Сеҳрли соатча , Минг бир кеча , Мешполвон , Қор маликаси сингари юздан зиёд саҳна асарларида турли характердаги қаҳрамонларни ижро этган.
Актриса 2000 йил Ўзбекистонда хизмат кўрсатган артист, 2013 йилда эса Ўзбекистон халқ артисти унвонлари билан тақдирланган.
Дилбар Абдулазизовани томошабинлар кўплаб фильм ва сериаллар, қолаверса, Оталар сўзи - ақлнинг кўзи кўрсатувидаги образлари орқали танишар эди.
Таҳририятимиз номидан марҳуманинг оила аъзолари ва яқинларига ҳамдардлик билдирамиз.
Ўзбекистон тиббиёти оғир жудоликка учради
Сирдарёда аёл ва унинг фарзандларини ўлдириб, уйни ёқиб юборишди
Шавкат Мирзиёевни ҳақоратлаб, изоҳ ёзган йигит 5 йилга қамалди
