Қозоғистон Республикаси Президенти Қосим-Жомарт Тоқаевнинг 2019 йил 15 апрель куни Ўзбекистонга давлат ташрифи доирасида имзоланган Ўзбекистон Республикаси Ҳукумати билан Қозоғистон Республикаси Ҳукумати ўртасида ноқонуний миграцияга қарши курашишда ҳамкорлик тўғрисидаги Битим 2020 йил 22 майдан кучга кирди.
Ҳужжат ноқонуний миграцияга қарши курашиш, икки давлатнинг ҳудудида ноқонуний бўлиб турган шахсларни аниқлаш ва рўйхатга олиш бўйича ҳамкорликни назарда тутади.
Қайд этилган Битим доирасидаги ҳамкорлик манфаатдор Томоннинг ёрдам кўрсатиш тўғрисидаги сўровномалари асосида амалга оширилади.
Битимда, шунингдек, ноқонуний миграцияга қарши самарали курашиш мақсадида маълумот ва тажриба алмашиш, Томонлар ходимларини тайёрлаш ва малакасини ошириш, илмий тадқиқотлар ўтказиш ҳамда қўшма тезкор профилактик тадбирларни ташкил этиш ҳам назарда тутилган.
Ҳужжатнинг тўлиқ матни билан www.lex.uz сайтида танишиш мумкин.
Украина президенти Россия билан музокараларга тайёр эканини айтди
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Украина Россия ҚКнинг фронтдаги устунлигини тан олди — ОАВ
