Ўзбекистон терма жамоасининг таркиби Эронникидан қимматга айланди!

«Transfermarkt» портали бирин-кетин футболчиларнинг янгиланган нархлари тўғрисида маълумот бермоқда.

Порталга кўра, бир неча кун аввал «Ланс» шарафини ҳимоя қилаётган ҳамюртимиз Абдуқодир Ҳусановнинг трансфер қиймати 5 миллион евродан 12 миллион еврога кўтарилган бўлса, бугун ЦСКАда ўйнаётган Аббосбек Файзуллаевнинг қиймати 6 миллион евродан 8 миллионга ошди.

Шундай қилиб Ўзбекистон миллий терма жамоасининг умумий трансфер баҳоси 48,15 миллион еврога етди. Бу борада биз Эронни ортда қолдирдик. Форсларнинг умумий трансфер баҳоси 47,90 миллион еврога тенг.