Ўзбекистоннинг Наманган вилоятидаги Норин дарёсида ҳар бири 38 мегаватт қувватга эга олтита гидроэлектр станцияси каскади қурилмоқда, деб хабар берди республика ҳукумати.
Лойиҳа қиймати 434 миллион долларни ташкил этади.
Норин каскади йилига 1,02 миллиард киловатт-соатгача электр энергияси ишлаб чиқариши кутилмоқда.
Бу ҳар йили 310 миллион куб метргача табиий газни тежаш имконини беради.
Ўзбекистон ҳукумати янги энергетика иншоотларини ишга тушириш режалаштирилган муддатларни эълон қилмаган.