Ўзбекистон терма жамоаси ноябрь ойида 2026 йилги Жаҳон чемпионати 3-саралаш босқичи доирасида Қатар ва КХДР терма жамоаларига қарши сафар учрашувларида иштирок этади. Осиё футбол конфедерацияси мазкур баҳсларда ишлайдиган ҳакамлар ҳақида маълум қилди.
Қатар — Ўзбекистон учрашувида кореялик ҳакамлар бригадаси фаолият олиб боради. Бош ҳакам — Ким Жонгҳеок, унга қанотларда юртдошлари Парк Кюнёнг ва Жанг Жонгпил ёрдам беради. Тўртинчи расмий ҳакам — Чаэ Сангҳеоп. ВАРда эса Ким Ҳеэгон фаолият олиб боради.
Учрашув 14 ноябрь Тошкент вақти билан 21:15 да "Жассим бин Ҳамад" стадионида старт олади.
КХДРга қарши сафар учрашувимиз Лаос пойтхати Вентьян шаҳрида ўтказилишидан хабарингиз бор. Мазкур ўйинда кувайтлик ҳакамлар бригадаси ишлайди. Бош ҳакам — Али Али Аҳмад, унга юртдошлари Аланези Абдулҳади ва Аббос Аҳмад ёрдам беради. Тўртинчи расмий ҳакам — Аммар Ашканани. ВАРда эса Абуллоҳ Жамали фаолият олиб боради.
КХДР — Ўзбекистон учрашуви 19 ноябрь Тошкент вақти билан 17:00 да "Лао" стадионида бошланади.
Родри «Олтин тўп»га Винисиус лойиқлигини айтган Роналдуга жавоб қайтарди
«Манчестер Сити» Абдуқодир Ҳусанов учун «Ланс»га қанча пул таклиф этаётгани маълум бўлди
"Ан-Наср" Роналду борасида якуний қарорга келди
