Бугун, 29 август куни Ўзбекистон кубогининг нимчорак финал босқичидан ўрин олган дастлабки икки учрашув бўлиб ўтади. Куннинг марказий баҳси Фарғонада «Нефтчи» ва «Пахтакор» ўртасида кечади. Учрашув соат 19:00 да бошланади.
«Пахтакор» мусобақанинг амалдаги ғолиби ҳисобланади. Тошкентликлар 2025 йилги финалда «Бухоро»ни 1:0 ҳисобида мағлуб этиб, ўз тарихида 14-марта Ўзбекистон кубогини қўлга киритган эди.
«Нефтчи» эса бугунги баҳсга яхши кайфиятда етиб келмоқда. Фарғоналиклар Суперлигадаги сўнгги учрашувида «Сўғдиёна»ни 3:0 ҳисобида мағлуб этди. «Пахтакор» эса охирги чемпионат ўйинида «Динамо» билан 1:1 ҳисобида дуранг қайд этган.
Куннинг яна бир учрашувида «Сурхон» Биринчи лига вакили «Гулистон»га қарши майдонга тушади. Ушбу баҳс соат 18:00 да бошланади. Ҳар икки жуфтлик ғолиби Ўзбекистон кубогининг чорак финалига йўл олади.
Ўзбекистонлик жаҳон чемпиони АҚШга кўчиб ўтди
Ўзбекистон қозоғистонлик қизга пул ўтказиб берди
"Реал" Чемпионлар лигасидаги кимларга қарши ўйнаши маълум
