Футзал бўйича Ўзбекистон миллий терма жамоаси август ойида Финляндияда йиғин ўтказади. Йиғин доирасида вакилларимиз мезбон Финляндия терма жамоасига қарши иккита ўртоқлик учрашувида иштирок этадилар.
Эслатиб ўтамиз, Ўзбекистон футзал терма жамоаси шу кунларда Тошкентда йиғин ўтказмоқда. Баҳодир Аҳмедов жамоаси йиғин доирасида 15 ва 17 июль кунлари Туркманистонга қарши 2та ўртоқлик ўйинини ўтказади. Шундан кейин вакилларимиз “CAFA Futsal Cup-2023” мусобақасида иштирок этиш учун Тожикистонга жўнаб кетадилар.
