Uzbekistan Airways Рақобат қўмитаси кўрсатмаси асосида маҳаллий йўналишларда йўловчилар учун қулай бўлган янги қоидаларни жорий этмоқда. Эндиликда, биринчи парвозга чиқмаган йўловчилар қайтиш чиптасидан ҳам фойдаланиш имконига эга бўлишади.
Янги тартибга кўра, агар йўловчи парвоздан воз кечмоқчи ёки учиш санасини ўзгартирмоқчи бўлса, бу ҳақда авиакомпания агентига олдиндан хабар бериши лозим. Бундай ҳолатда чипта қайта расмийлаштирилади ёки тариф шартларига мувофиқ қайтарилади. Агар йўловчи хабар бермаган бўлса, чипта қийматини қайтариш ёки ўзгартириш жараёнида фойдаланилмаган парвоз купонлари қийматининг 100 фоизи миқдорида жарима ундирилади.
Шунингдек, эндиликда биринчи рейсдан фойдаланмаган йўловчи чипта автоматик бекор қилинмасдан, кейинги парвозларда ундан фойдаланиши мумкин. Шу билан бирга, фойдаланилмаган парвозлар бўйича чипта қийматидаги аэропорт йиғимлари ва авиакомпания тўловлари қайтарилиши мумкин.
Uzbekistan Airways янги тартиб бўйича техник имкониятларни якуний синовдан ўтказмоқда. Мутахассислар бу ўзгариш йўловчилар ҳуқуқларини ҳимоя қилишни кучайтириши, ҳамда ички авиация бозорида хизмат сифатини оширишига ишонч билдирмоқда.
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
