“UzAuto Motors” 40 минг дона Cobalt Midnight учун қайта шартнома тузди

Компания январь ойи бошида ажратилган шартномаларнинг деярли барча ҳажми учун контрактацияни қайта амалга оширди.

Пайшанба куни тўлови белгиланган муддатларда амалга оширилмаган ҳажм учун тўрт соатдан ортиқ вақт давом этган шартнома бериш жараёни якунланди. Бу ҳақда компания матбуот хизмати маълум қилди.

Хусусан, бу куни фақат GX-Midnight AT модификацияси учун жами 40 010 та шартнома тузилди. Бунда унинг 99%дан ортиғи — 39 872 таси “Оне-ИД” тизимида рўйхатдан ўтган жисмоний шахслар, 138 таси эса юридик шахслар ҳиссасига тўғри келади.

Контрактация жараёнида компания Cалл-марказига 850 нафар мижоз мурожаат қилган. Компания фуқаролардан фирибгарлардан эҳтиёт бўлишларини, эълонлар сайти ва бошқа сервислар орқали “шартнома сотиб олиш” бўйича шубҳали таклифларга рози бўлмасликларини сўрамоқда. “UzAutoSavdo” платформасида харидор ёки дилер мижоз маълумотларини ўзгартириш имкониятига эга эмас.

Бундан олдин, жорий йилнинг 7 январь куни бўлиб ўтган шартнома бериш жараёнида 50 мингдан ортиқ автомобиль учун шартнома ажратилганди. Шундан 80%дан ортиғи — 40 762 тани Midnight версияси учун тузилган шартномалар ташкил этади.