“Уйқучи Жо” ва “Бўлгинчи Обама”: Трамп Оқ уйдаги “Президентлар шон-шуҳрати аллеяси”да президентлар ҳақидаги лавҳалар ўрнатди

​ABC News хабарига кўра, кўплаб лавҳалар шахсан президент Доналд Трамп томонидан ёзилган.

Оқ уйдаги президентларнинг портретлари остидаги лавҳаларда уларга қуйидагича таъриф берилган:

— ​Жо Байден “Уйқучи Жо” ва “Тарихдаги энг ёмон президент” деб аталган. Бу президент портрети йўқ ягона лавҳа бўлиб, Байденнинг сурати ўрнига автоматик имзо қўювчи қурилма (автоперо) расми ўрнатилган. Трамп Байденга нисбатан бундай эътирозларни биринчи марта билдирмаяпти. Автоперо эса бошқа президентлар томонидан ҳам қўлланилган. Улардан айримлари, жумладан Трампнинг ўзи ҳам, афв этиш ҳақидаги ҳужжатларга имзо қўйишда автоперо ишлатган;

— ​Барак Обама Трампнинг сайлов кампаниясини кузатганликда ва Яқин Шарқдаги тартибсизликларда айбланган;

— ​Кичик Жорж Буш Афғонистон ва Ироқдаги урушлар бошоаниши учун масъул деб кўрсатилган;

— ​Билл Клинтоннинг портрети остида унинг рафиқаси Ҳиллари Клинтоннинг 2016 йилги президентлик сайловидаги мағлубияти эслатиб ўтилган.

​Шу билан бирга, Доналд Трампни ўзининг лавҳасида унинг ҳуқуқ-тартибот идоралари босимига бардош бергани, икки марта суиқасддан омон қолгани ва 11 ой ичида “Американинг олтин даври”га асос солгани қайд этилган.