Ўтган йилда миллий маданий марказларига давлат бюджетидан 20 млрд. сўмга яқин маблағ ажратилган.
Бу ҳақда АОКАда ўтказилган брифингда Миллатлараро муносабатлар ва дўстлик алоқалари қўмитаси раиси ўринбосари Азамат Тошев маълум қилди.
✅ Бугунги кунда Қўмита мамлакатимиздаги 156 та миллий маданий марказ, 38 та дўстлик жамияти ва хориждаги 98 та ватандошлар жамияти билан ҳамкорлик қилмоқда.
✅ Жамиятда миллатлараро тотувлик муҳитини мустаҳкамлаш, хорижий мамлакатлар билан дўстлик алоқаларини ривожлантириш ва хориждаги ватандошларни қўллаб-қувватлашга қаратилган 1 та қонун, 2 та Президент қарори, 18 та ҳукумат қарори ва фармойиши лойиҳалари тайёрланди.
✅ “Ўзбекистон Республикасининг миллатлараро муносабатлар соҳасидаги Давлат мукофотини таъсис этиш тўғрисида”ги Ўзбекистон Республикаси Президентининг Қарори лойиҳаси ишлаб чиқилди.
