АҚШдаги Center for Strategic and International Studies (CSIS) тадқиқот маркази Россия - Украина уруши давомида ҳалок бўлган ва яраланган ҳарбий хизматчилар сони бўйича маълумотларни эълон қилди.
Ҳисоботга кўра, 2022 йил февралида бошланган кенг кўламли босқиндан буён Россиянинг умумий йўқотишлари 1,2 миллион кишигача етган, шундан камида 325 минг нафари ҳалок бўлган.
CSIS келтирган ҳалок бўлганлар сони BBC рус хизмати ва “Медиазона” нашрининг очиқ манбаларга асосланган ҳисоб-китобларига яқин. Уларнинг аниқлашича, Россия томондан ҳалок бўлганлар сони 254,8 мингдан 368,1 минг нафаргача бўлиши мумкин. Донецк Халқ Республикаси (ДХР) ва Луганск Халқ Республикаси (ЛХР) бўлинмалари таркибида жанг қилганлар ҳисобга олинганда, бу кўрсаткич сезиларли даражада ошади.
CSIS маълумотларига кўра, Украина Қуролли кучлари уруш давомида 500 мингдан 600 минггача ҳарбий хизматчини ҳалок бўлган ва яраланганлар сифатида йўқотган бўлиши мумкин. Ҳалок бўлганлар сони 100 мингдан 140 минг нафаргача бўлиши эҳтимоли бор.
Ҳисоботда Россия йўқотишлари ҳақида “Иккинчи жаҳон урушидан кейинги даврда дунёнинг бирорта етакчи давлати ҳеч бир урушда бундай улкан миқёсдаги йўқотишларга дуч келмаган”, дея таъкидланган.
Одилхон қори Юнусхон ўғли суд залида ҳибсга олинди
Россия Ўзбекистон фуқароларини мамлакатдан мажбуран чиқариб юборди (видео)
Аҳолини рўйхатга олиш саволномасини хато тўлдирганларга огоҳлантириш юборилмоқда
