Урсула фон дер Ляйенга нисбатан тергов бошланди

Урсула фон дер Ляйенга нисбатан Владимир Зеленский ва Европа етакчилари билан бўлган махфий чат сабабли тергов бошланди, деб ёўмоқда "Meduza"

Хабарларга кўра, гап иштирокчилари қаторида Зеленскийдан ташқари Германия канцлери Фридрих Мерц, Франция президенти Эммануэл Макрон, Италия бош вазири Жоржа Мелони ва Буюк Британия бош вазири Кир Стармер бўлган чат ҳақида кетмоқда.

Тергов чат мазмунига эмас, балки Еврокомиссия ушбу ёзишмаларга киришни рад этиш орқали шаффофлик қоидаларини бузган-бузмаганлигига қаратилган.

Бу чат мавжудлиги ҳақида январда маълум бўлган эди. Шундан сўнг Нидерландиянинг Follow the Money (FTM) суриштирув ташкилоти ёзишмаларга рухсат сўраган, бироқ Еврокомиссия буни "ошкор қилиш ЕИнинг учинчи давлатлар билан халқаро муносабатларига зарар етказиши мумкин" деган баҳона билан рад этган.

Оммавий ахборот воситалари маълумотларига кўра, чатда, жумладан, АҚШ президенти Доналд Трамп билан ўзаро ҳамкорлик стратегиялари муҳокама қилинган.