Украина Миллий хавфсизлик ва мудофаа кенгаши котиби, тинчлик музокараларида Украина делегациясига раҳбарлик қилаётган Рустем Умеров ўзининг Telegram каналида Давосда АҚШ президенти вакиллари — Жаред Кушнер ва Стив Уиткофф билан учрашганини маълум қилди.
Умеровнинг қайд этишича, учрашувда асосий эътибор иқтисодий ривожланиш, урушдан кейинги тикланиш ҳамда хавфсизлик кафолатларига қаратилган. Шунингдек, ҳамкорлар Россия томонидан фуқаролик инфратузилмасига навбатдаги зарбалар берилгани, хусусан Киевдаги вазият ҳақида хабардор қилинган. Ушбу ҳужумлар оқибатида миллионлаб одамлар электр энергияси ва иссиқлик таъминотисиз қолган.
Аввалроқ ҳам АҚШ, ҳам Россия томони Уиткофф ва Кушнер эртага Москвага ташриф буюриши, у ерда уларнинг Россия президенти Владимир Путин билан навбатдаги учрашуви режалаштирилганини маълум қилган эди.
Шу куни Давосга Украина президенти Володимир Зеленский ҳам етиб келади ва Доналд Трамп билан учрашув ўтказади.
Ҳатто ЙТҲдан кейин ҳам Адам Қодиров медал олиб келмоқда
Украина Россиянинг "Орешник" ракеталари учириладиган ракета майдончасига зарба берди
Хитой АҚШни Гренландия масаласи бўйича огоҳлантирди
