Украинада жиноятчи беш нафар полиция ходимини гранат билан портлатиб юборди

Украинанинг Киев шаҳрида жиноятчини зарарсизлантирмоқчи бўлганида граната портлаши оқибатида беш нафар полиция ходими яраланди.

Бу ҳақда 13 июль куни Украина Миллий полициясининг "Телеграм" каналида хабар берилди.

Маълумотларга кўра, ҳуқуқ-тартибот идоралари ходимлари Михайливка-Рубежовка қишлоғига қўнғироқ бўйича етиб келган, у ерда 41 ёшли эркак ўз оиласини граната ва ўқотар қурол билан қўрқитган.

Ҳуқуқ-тартибот идоралари ходимларини кўриб, улар томон граната улоқтирган. Натижада беш нафар полициячи тан жароҳати олди.

Қайд этилишича, ҳужумчи жавоб ўқлари билан йўқ қилинган.