Украинада Ғарб контингентини жойлаштириш масаласи ҳали ҳал қилинмаган

Буюк Британия бош вазири Украинада Ғарб контингентини жойлаштириш масаласи ҳали ҳал қилинмаганини маълум қилди.

"Денгизда, ҳавода ва қуруқликда тинчликпарвар кучлар контингентини жойлаштириш масаласида, албатта, маълум бир ўзгаришлар бор, лекин якуний қарорга келинмаган, чунки биз ҳали ўт очишни тўхтатиш жараёнига етганимиз йўқ. Шунинг учун мандат қандай бўлиши ҳақида ҳам ўйлаяпмиз, бу Украинанинг эҳтиёжларига боғлиқ", — дея бунга изоҳ берди Кир Стармер Киевдаги матбуот анжуманида.

Франция президенти эса контингент бўйича қарор Россиянинг тинчлик келишувига берган жавоби, шунингдек, Киев ва Москва ўртасидаги музокараларга боғлиқ бўлишини айтди.

"Франция ва Буюк Британия раҳбарлигида барча ҳамкорлар ўртасида муҳокамалар давом этмоқда. Аммо ҳали натижани эълон қилолмайман. Биз турли вариантлар устида ишлаяпмиз ва қарор Россиянинг жавобига боғлиқ бўлади. Сулҳга розилик бўйича жавоб берилганидан сўнг, энг самарали таклиф устида ишлаймиз. Куч билан тийиб туриш — бу бир вариант. Лекин барчаси Украина ва Россия ўртасидаги музокаралар жараёнига боғлиқ бўлади", — дея таъкидлади Франция президенти.