Украина Ташқи ишлар вазири Дмитрий Кулеба истеъфога чиқиши мумкин — “Украинская правда”

Нашр манбаларига кўра, Кулебанинг биринчи ўринбосари Андрей Сибига янги ташқи ишлар вазири бўлиши мумкин.

Аввалроқ Украина бош вазирининг “вақтинча босиб олинган” ҳудудларни реинтеграция қилиш бўйича ўринбосари Ирина Верешчук вҳамда Киевнинг НАТО ва Европа Иттифоқига қўшилиши учун масъул Украина бош вазири ўринбосари Олга Стефанишина истеъфога чиқиш ҳақида ариза берган эди.

Газета суҳбатдошларига кўра, бош вазир Денис Шмигал ўз лавозимини сақлаб қолади.