Украина қўшинлари Курск вилоятида шимолий кореялик ҳарбийни асирга олди. Маълумотни Жанубий Корея разведка хизмати тасдиқлади. Бу ҳақда Yonhap хабар берди.
“Дўст мамлакатнинг разведка ташкилоти билан реал вақт режимида маълумот алмашиш орқали биз яраланган Шимолий Корея аскарининг қўлга олинганини тасдиқладик. Вазиятнинг кейинги ривожланишини синчковлик билан ўрганиш ниятидамиз”, дейилади Корея разведкаси баёнотида.
26 декабрь куни Украина жангчилари урушга жалб қилинган биринчи Шимолий Корея аскарини қўлга олгани ҳақида маълумот пайдо бўлди. Шунингдек, воқеа жойидан олинган фотосуратлар ҳам эълон қилинди. Асир олинган аскар яралангани айтилган, аммо унинг аҳволи бўйича бошқа тафсилотлар мавжуд эмас.
Украина оммавий ахборот воситалари Курск йўналишидаги операция муваффақиятли бўлганини хабар қилди. Ҳарбийлар нафақат жанговар вазифани бажаргани, балки зирҳли транспортёр ва асирни ҳам қўлга киритгани таъкидланган.
Учинчи жаҳон уруши айнан қаерда бошланиши айтилди
Британия рекорд миқдордаги аскарини йўқотди
Қодиров Ўзбекистон раҳбариятини "уйғониш қўнғироғи"дан огоҳлантирди
