Украина Қуролли кучлари Бош штаби тўғридан-тўғри Россия ҳудудига зарба беришда Американинг Lockheed Martin Corporation томонидан ишлаб чиқарилган ATACMS тактик ракета тизимларидан фойдаланилганини эълон қилди.
Бу ҳақда Бош штаб ўзининг Telegram-каналида маълум қилган.
"Украина Қуролли кучлари Россиядаги ҳарбий нишонларга аниқ зарба бериш учун ATACMS тактик-ракета тизимларидан муваффақиятли фойдаланди. Бу Украинанинг ўз суверенитетига қатъий содиқлигини кўрсатувчи муҳим воқеадир", — дейилади баёнотда.
Бош штаб қўшимчасига кўра, узоқ масофали қуроллардан, хусусан, ATACMS тизимларидан фойдаланиш давом этади.