Украина-Россия учрашуви қачон ва қаерда бўлиб ўтиши маълум қилинди

Украинанинг Россия томони билан Туркиядаги учрашуви 23 июль, чоршанба куни режалаштирилган.

Бу ҳақда Украина президенти Владимир Зеленский Миллий хавфсизлик ва мудофаа кенгаши котиби Рустем Умеров билан учрашув якунлари бўйича маълум қилган.

"Бугун мен Рустем Умеров билан алмашувга тайёргарлик ва Россия томони билан Туркиядаги навбатдаги учрашувни муҳокама қилдим. Умеров учрашув чоршанба куни режалаштирилганини маълум қилди", деди Зеленский душанба куни кечки нутқида.

У сешанба куни батафсил маълумот беришини таъкидлади.