Украина президенти девонининг ишдан бўшатилган раҳбари: "Мен фронтга кетяпман"

Украина президенти девонининг ишдан бўшатилган раҳбари Андрей Ермак жанжалдан кейин илк бор Ғарб журналистлари билан боғланди.

Бу ҳақда The New York Post (NYP) хабар бермоқда.

Собиқ амалдор нашрга эмоционал хабар юборди. Унда у ҳар қандай қатағонга тайёр эканлигига ишонтириб, ўзини ҳалол ва муносиб инсон деб атаган.

"Мени ҳаром иш қилди деб айблашди ва менинг қадр-қимматим ҳимоя қилинмади", деди Ермак. "Шунинг учун мен Украина президенти Владимир Зеленскийга муаммо яратмоқчи эмасман, мен фронтга кетяпман", дея қўшимча қилди у.

Президент девони собиқ раҳбари фронтга қачон ва қандай лавозимда бориш ниятида эканлигига аниқлик киритмади. Бундан ташқари, агар у билан боғланиш имкони бўлмаса, олдиндан узр сўради.

Эслатиб ўтамиз, Зеленский мамлакатдаги коррупция можароси фонида Ермакнинг Украина президенти девони раҳбари лавозимидан истеъфога чиқиши ҳақидаги аризани имзолаган эди.