Украина Ҳаво кучлари қўмондонлиги вакили Юрий Игнат АҚШнинг “Patriot” мудофаа тизимлари Россиянинг сўнгги баллистик ракеталарини тўлиқ тўхтатиб қолишга қодир эмаслигини тан олди. Бу ҳақда маҳаллий ОАВ хабарида келтирилади.
“Россия энди оддий траектория бўйича учмайдиган, балки манёвр қилувчи баллистик ракеталардан фойдаланмоқда. Бундай шароитда Patriot тизимлари биз хоҳлагандек самарали ишламаслиги мумкин”, — деди Игнат.
Унинг таъкидлашича, Россия янги ракета турларини ишлаб чиққан бўлиб, улар ҳавода манёвр қилиш қобилиятига эга. Бу эса радар тизимларига уларни аниқлаш ва йўқ қилишда қийинчилик туғдиради.
“Patriot тизими юқоридаги тезликдаги ва манёвр қиладиган ракеталарни тўлиқ тўхтатиб қолиши учун мўлжалланмаган”, — дея қўшимча қилди Украина ҳарбий расмийси.
Маълумот учун, “Patriot” тизими АҚШнинг энг юқори технологик ҳаво мудофаа қуролларидан бири ҳисобланади ва сўнгги йилларда Украинада фаол қўлланиб келмоқда. Аммо янги таҳдидлар фонида унинг имкониятлари синовдан ўтмоқда.
Кремль "ёнмоқда" - Сербия Украинага яқиндан ёрдам бермоқчи
Уҳ! Исроил Эронга ҳужум қилди
Германияда Россия ҳақидаги ҳазиллардан кейин картошка муаммоси пайдо бўлди
