Украина Мудофаа вазири: Биз урушни тугатишни хоҳлаймиз

Бу ҳақда Украина мудофаа вазири Рустем Умеров Истанбулда Россия делегацияси билан бўлиб ўтган музокарадан сўнг маълум қилди.

Музокаралардан сўнг Умеров томонлар ўт очишни тўхтатиш режими бўйича фикр алмашганини тасдиқлади.

"Бизнинг асосий устуворлигимиз одамлар эди... Биз 1000 кишини алмашиш бўйича келишиб олдик. Бу катта ютуқ ва биз бу урушни тугатишга ҳаракат қилаётганимизни яна бир бор кўрсатади. Иккинчи мақсад ўт очишни тўхтатишни муҳокама қилиш эди. Усуллар бўйича фикр алмашдик ва жамоаларимиз тафсилотларни алмашиш устида ишлайди", деди вазир.