Украина можарони ҳал қилиш шартларини АҚШга топширди

АҚШ Украинадан тинчлик битими учун шартлар рўйхатини олди.

Бу ҳақда Доналд Трампнинг махсус вакили Кейт Келлог Fox News телеканалида маълум қилди, деб ёзади “Репорт”.

"Бир ҳафтадан сал кўпроқ вақт олдин руслар тинчликка эришиш учун, таъбир жоиз бўлса, меморандум тайёрлаймиз, деб эълон қилган эди. Биз аллақачон Украина томонидан бундай меморандумни олганмиз. Ҳозир Россиядан ҳам шундай ҳужжат кутмоқдамиз", - деди у.

Меморандум олинганидан сўнг музокараларнинг янги босқичи ўтказилиши кутилмоқда. Келлогг аввалроқ учрашув Женевада ўтказилиши мумкинлигини айтган эди.