Украина ЕИ давлатлари берадиган қуроллардан Россиядаги нишонларга ҳужум қилиши керак

Боррель Европа Иттифоқи давлатларини Украинага Россиядаги нишонларга ўзига етказиб берилган қуроллар билан ҳужум қилишга рухсат беришга чақирди.

Бу ҳақда Европа дипломатияси раҳбари ЕИ ташқи ишлар вазирларининг Брюсселдаги учрашуви олдидан маълум қилди. «Мен қайта-қайта айтаманки, Украина биз етказиб берадиган қуроллардан нафақат ўқларни тўхтатиш, балки камончиларни ўлдириш учун ҳам фойдаланиши керак», — деди Жосеп Боррель. «Европа Иттифоқига аъзо давлатлар бунга рози бўлишига умид қиламан», - дея қўшимча қилди у. Аввалроқ Европарламент ҳам худди шундай қарор қабул қилишга чақирган эди.

Бир кун олдин маълум бўлишича, АҚШ кўп иккиланишлардан сўнг Украинага Россияга ATACMS ракеталарини отишига рухсат берган. Жо Байден Украинага АҚШ томонидан етказиб бериладиган қуроллардан фойдаланишга қўйилган чекловларни бекор қилди. Германия анча вазмин позицияни эгаллайди. Канцлер Олаф Шолс Киевга TAURUS қанотли ракеталарини етказиб беришга рози эмас. «Яшиллар»дан канцлерликка номзод Роберт Хабек, агар сайланса, Киевга TAURUSни беришини айтди. Христиан-демократик канцлер номзоди Фридрих Мерц ҳам худди шундай позицияни эгаллайди.