Украина дронлар ишлаб чиқаришни 10 баробар оширди

Украина 2024 йилда дрон ишлаб чиқаришни ўтган йилга нисбатан 10 баравар оширди, бунда самарадорлик ва янги технологияларга устувор аҳамият берилди.

Бу ҳақда Украина рақамли трансформация вазирлиги "Телеграм"даги каналида маълум қилган.

"Украина дрон саноатининг ишлаб чиқариш қуввати 2024 йилда 2023 йилга нисбатан 10+ баравар ошди" - дейилади ҳисоботда.

Рақамли ривожланиш вазирлиги маълумотларига кўра, ишлаб чиқариш қуввати 2023 йилдаги 300 минг дона дрондан 2024 йилда 4 миллион донагача ошган.

"Ҳаво, денгиз ва қуруқликдаги дронларни яратиш ва электрон уруш тизимларини ривожлантиришда сезиларли ютуқларга эришилди, асосий тенденциялар компьютер кўриш, тўдали технологиялар, навигация ва алоқа соҳасидаги инновацияларни ўз ичига олади".