Угандада 100 нафар намойишчи айбланмоқда

Уганда полицияси ҳукуматга қарши намойишлар чоғида ҳибсга олинган 100 кишини жамоат тартибини бузганликда айблади.

Бу ҳақда Reuters агентлиги хабар берди.

Мамлакат полицияси биринчи марта айбланган намойиш иштирокчиларининг аниқ сонини эълон қилди. Бир кун аввал Уганда пойтахти Кампаладаги АҚШ элчихонаси намойишчиларнинг ҳибсга олинишини қоралади. АҚШ дипломатик миссияси баёнотда сўз эркинлиги ва тинч йиғилишлар демократиянинг асосий тамойиллари эканини таъкидлади.