UFC президенти Ислом Махачевнинг кейинги жанги кимга қарши бўлиши мумкинлигини айтди

Доғистонлик спортчи Ислом Махачев ярим ўрта вазн тоифасидаги титул учун жанг қилиши мумкин.

Бу ҳақида UFC президенти Дана Уайт маълум қилди. Журналистнинг Махачев ярим ўрта вазн тоифаси титули учун кейинги даъвогар бўлиши мумкинми, деган саволига Уайт “Албатта” дея жавоб қайтарди.

Махачев 2022 йил октябрь ойидан буён енгил вазн тоифасидаги UFC титулига эгалик қилиб келмоқда. Чемпионлик жангларида Чарльз Оливейрани, Дастин Порьени ва икки марта Алекс Волкановскини таслим этганди. 2023 йилнинг кузидан бошлаб Ислом P4P рейтингида етакчилик қилмоқда.

Ярим ўрта вазн тоифасидаги чемпионлик Билол Муҳаммадга тегишли. Билол 8 декабрь куни Шавкат Раҳмоновга қарши жанг қилади.

Махачев эса ушбу жуфтлик ғолибига қарши октагонга кўтарилади.