UFC эгаси Оқ уйдаги турнир учун кард ҳозирнинг ўзида ишлаб чиқилаётганини маълум қилди

UFC’га эгалик қилувчи TKO Group Holdings компаниясининг бош директори Ари Эмануэль 14 июнь куни Оқ уйда бўладиган UFC турнири учун кард шакллантириш ишлари айни пайтда олиб борилаётганини маълум қилди.

Бу ҳақда у The Pat McAfee Show эфирида хабар берган.

Ташкилотчилар аввалроқ Оқ уй олдидаги тарихий UFC турнири 2026 йил ёзининг энг муҳим воқеаларидан бири бўлишини эълон қилган эди. Ҳозирча кард иштирокчилари аниқ айтилмаган, аммо аввалроқ Жастин Гэтжи, Илия Топурия, Майкл Чендлер ва бошқа топ-жангчиларнинг иштироки бўлиши ҳақида хабарлар чиққан.

Оқ уйдаги UFC турнири 2026 йил 14 июнь санасига режалаштирилган.