У “дадажон” эмас, у аҳмоқ - гренландияликлар

Гренландия аҳолиси Доналд Трампнинг Давосдаги нутқига кескин муносабат билдирган.

Кўпчилик унинг Гренландияни сотиб олиш ҳақидаги гапларига ишонмаслигини ва АҚШ таркибига киришни истамаслигини айтиган. Баъзилар Трампни очиқчасига масхара ва танқид қилган.

- “Мен Трампнинг бирор сўзига ҳам ишонмайман. Унинг Гренландияга бўлган очкўзлиги мутлақо ўзгармаган. Биз АҚШнинг бир қисми бўлишни истамаймиз, аммо Трамп буни ҳеч қачон қабул қилмайди”, деган 40 ёшли Килланнгуак.

- “У “дадажон” эмас, у аҳмоқ. Бу нима деган бемаънилик, ҳеч ким уни бундай атамайди! Яхшиси, Трамп Америкага ўзи билан битта айсбергни олиб кетсин”, деган 59 ёшли банк маслаҳатчиси Сёрен.

- “Трамп, ана у тентак, 4 марта оролларимизни адаштирди. Энг муҳими, энди адашиб бизникини олиб кетмасин”, деган таксичи Асгейр.