Полша бош вазири Доналд Туск Украина президенти Зеленскийни “Оқ Бургут” орденидан маҳрум қилишни таклиф этган президент Навроцкийни қўллаб-қувватлади. Бунга Украина Махсус операциялар кучлари бўлинмасига "Украина қўзғолончилар армияси қаҳрамонлари" номи берилиши ҳақидаги қарор сабаб бўлган, деб хабар бермоқда RMF24.
"Президент Зеленскийнинг ушбу афсусланарли қароридан кейин мен президент Навроцкийнинг муносабатини тўлиқ тушундим", — деди Туск ва ўтмиш ҳамда тарих масаласига келганда "Полша жамоатчилик фикрини ва мамлакат ҳукуматини ҳеч ким бўлиб юборолмаслигини" қўшимча қилди.
"Ҳар кимнинг ўз миллий қарашлари бор ва мен украиналиклар совет босқинчиларига қарши курашганлар хотирасини улуғлашларини тушунаман, лекин улар айни пайтда ўзларининг энг яқин иттифоқчиси бўлган полшаликларни ўлдирганларни ҳам улуғлашни истасалар, буни тушунолмайман... Эҳтимол, бу далиллар Киевга етиб борар. Агар ундай бўлмаса, бу бизнинг муносабатларимиз ҳамдардлик билан эмас, балки қатъий бизнес асосида белгиланишини англатади", — деб баёнот берди у.
"Киев томони бу муаммони ўзи келтириб чиқарди, шундай экан, энди ечимни ҳам ўзи изласин", — дея қўшимча қилди Туск.
Россия Молия вазирлиги ва Марказий банк Путинни огоҳлантирди
«Жуманжи» актёри ваҳшийларча ўлдирилди
Россия билан муносабатларимиз ўзгариш арафасида – Пашинян
