"Турон – Қипчоқ" бекатлари оралиғида метро ҳаракати вақтинча тўхтатилади

2025 йил 8-июндан бошлаб "Турон – Қипчоқ" бекатлари оралиғида метро ҳаракати вақтинча тўхтатилади.

Бу ерда 3 ой давомида режали профилактик таъмирлаш ишлари олиб борилади. Метро ҳаракати хавфсиз ва сифатли бўлиши учун ушбу ишлар жаҳон тажрибасига асосан амалга оширилмоқда.

Шу муносабат билан йўловчилар учун Қипчоқ – Қурувчилар – Қипчоқ йўналишида бепул метробуслар қатнови ташкил қилинади.

Метробуслар ҳар куни соат 05:00 дан 23:00 гача хизмат кўрсатади.