Туркманистон электр энергияси экспортини кўпайтириш учун янги станцияни ишга туширди

Маълум қилинишича, мазкур электростанция Марказий Осиё мамлакатлари, жумладан, Афғонистон, Ўзбекистон ва Қирғизистонга электр энергияси етказиб бериш ҳажмини оширади. Лойиҳа Туркманистон Энергетика вазирлигининг «Туркманэнерго» давлат корпорацияси ҳамда Япониянинг «Sumitomo Corporation ва Mitsubishi Power Ltd» ва Туркиянинг «Rönesans Holding» компаниялари билан ҳамкорликда амалга оширилган.

Электр станцияси Япониянинг машҳур «Mitsubishi Power Ltd» компаниясининг газ турбинли агрегатлари билан жиҳозланган бўлиб, уларнинг технологиялари Туркманистон электр энергетикаси тарихида биринчи марта қўлланилмоқда. Бу ерда 144 мегаватт қувватга эга учта газ турбинаси генератори ўрнатилган. Лойиҳа Япония Халқаро Ҳамкорлик Банки томонидан Туркманистоннинг «Внешэкономбанк» билан кредит шартномаси орқали молиялаштирилган.