Туркияда 16 ёшгача болаларга ижтимоий тармоқлар ва онлайн-ўйинларни тақиқлашмоқчи

Туркияда 16 ёшгача болаларга ижтимоий тармоқлар ва онлайн-ўйинлар тақиқланиши мумкин. Кеча, 11 декабр санасида мамлакат транспорт ва инфратузилма вазири Абдулқодир Ўролўғлу парламентдаги чиқишида шундай баёнот берди.

Ўролўғлунинг таъкидлашича, зўравонлик ва болаларга шафқатсизларча муносабат тарғиб қилинаётган, адоват қўзғовчи ва бошқа салбий контентлар ижтимоий тармоқлар ва онлайн-ўйинларни 16 ёшгача болалар учун ман этиш масаласини кўриб чиқишни тақозо этмоқда. Бунинг учун тегишли қонунлар ишлаб чиқилиб, татбиқ этилиши зарур.