Бу ҳақда CNN Turk хабар бермоқда.
Яқинда Истанбул университети Бош прокуратура сўровига кўра мэрнинг дипломини бекор қилди.
Маҳаллий оммавий ахборот воситаларининг хабар беришича, ҳуқуқ-тартибот идоралари Имамоғлунининг уйида тинтув ўтказмоқда. Умуман олганда, юзга яқин кишига нисбатан ҳибсга олиш ордерлари берилган.
"Миллатимиз иродасини поймол қилишга уринган бир ҳовуч одамлар менинг севимли полициячиларимдан бу ёвузлик учун восита сифатида фойдаланди. Улар Истанбулнинг 16 миллион аҳолисининг уйлари олдида юзлаб полициячиларни тўплади. Биз буюк зулмга дуч келдик, аммо мен таслим бўлмайман. Мен ҳаммангизни жуда яхши кўраман, ўзимни миллатимга ишониб топшираман. Мен бу одамга қарши курашни давом эттираман", — дея таъкидлади Истанбул мэри ўз мурожаатида.
Аввалроқ Истанбул университети Туркия Бош прокуратурасининг сўровига биноан Имамоғлунинг дипломини бекор қилган эди. Ушбу қарор унга президентликка номзодини қўйишга тўсқинлик қилмоқда, чунки Туркия қонунчилигига кўра фақат олий маълумотга эга фуқаролар сайловда иштирок эта олади.
Истанбул мэри Экрем Имамоғлу Туркиядаги энг йирик мухолифат партияси — Халқ Республикачилар партияси (CHP) томонидан президентликка ягона номзод ҳисобланади.
Кремль миллиардлаб топмоқда, Европа эса миллиардлаб сарфламоқда
Покистон ва Афғонистон ўртасида қуролли можаро бошланди
Украина Россиянинг муҳим ҳарбий объектларига зарба берди
