Туркия Ташқи ишлар вазирлиги Европа Иттифоқининг Кипрда Туркия Қуролли Кучларини обрўсизлантирадиган ёдгорлик қуриш учун Грецияга маблағ ажратиш режалари фонида Европани Кипр масаласида холис бўлишга чақирди.
Маблағ ажратиш бўйича тавсиялар Европа Парламентининг Аёллар ва гендер тенглиги қўмитасининг 2027 йилги Европа Иттифоқи бюджети бўйича хулосасида келтирилган.
"1974 йилдаги Кипр тинчлик операцияси давомида Туркия Қуролли Кучлари Кипр турк аҳолисининг қирилиб кетишининг олдини олди ва оролга ярим асрдан ортиқ давом этган тинчлик олиб келди", деб таъкидлади Туркия вазирлиги.
Юнонистон томони томонидан илгари сурилган назариялар тарихий фактларни бузиб кўрсатаётгани ва сиёсийлаштираётгани таъкидланмоқда.
"Европа Иттифоқи институтлари Кипр масаласини ҳал қилишга кўмаклашиш ўрнига, холислик ва адолат тамойилларидан воз кечиб, юнон томони учун ташвиқот воситасига айланаётгани миллатлараро ишончни янада пасайтиради", дейилади баёнотда.
Туркия Ташқи ишлар вазирлиги Европа Иттифоқи расмийларини Анқарани Европа Иттифоқидан узоқлаштиришдан манфаатдор бўлганларни қўллаб-қувватламасликка чақиради.
Тошкент давлат юридик университетида контракт нархлари кескин ошди
“Агар мен президент бўлмаганимда, Исроил ҳам бўлмас эди”
Биз эртагаёқ кетамиз...
