Туркия Ташқи ишлар вазири Ҳакан Фидан Исроил билан барча иқтисодий ва савдо алоқалари тўлиқ узилганини ва эндиликда мамлакат ҳаво ҳудуди Исроил самолётлари учун ёпилганини эълон қилди. Бу ҳақда Anadolu Ajansı нашри хабар берди.
"Дунёда санкциялар бўйича Туркиядан ортиқ қадам ташлаган бошқа давлат йўқ. Биз кўплаб дипломатик, қонуний ва тижорий чора-тадбирларни амалга оширдик. Исроил кемалари бошқа ҳеч бир портга киришига изн йўқ. Биз Исроилга қурол ва ўқ-дорилар олиб кетаётган контейнер кемаларининг портларимизга киришига ҳам, ҳаво ҳудудимизга киришига ҳам рухсат бермаймиз”—дейди вазир Фидан.
Шунингдек, Исроилнинг Ғазо ҳудуди, Ливан, Яман, Сурия ва Эронга нисбатан қилаётган ҳужумлари бутун халқаро ҳамжамиятга қарши амалга оширилаётган террористик ҳужум сифатида баҳоланган. Бу ҳаракатлар минтақа хавфсизлигига жиддий таҳдид солмоқда, дейилади хабарда.
2024 йилнинг май ойида Туркия президенти Ражаб Тоййиб Эрдўған ҳам Ғазо уруши туфайли Исроил билан савдо алоқалари тўхтатилишини, 13 ноябрида эса Туркия Исроил билан дипломатик алоқаларини расман тўхтатганини эълон қилган эди.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
