Туркия ички ишлар вазири Али Ерликая бир неча ой ичида мамлакатдаги ноқонуний миграция муаммосига барҳам беришга ваъда берди.
Унинг айтишича, ҳафта давомида ноқонуний миграцияга қарши чоралар кучайтирилган.
“Биз нафақат ҳар куни рейдлар ўтказилаётган Истанбулда, балки мамлакатнинг 81 вилоятида ҳам бунга қарши курашяпмиз. Биз бу курашни давом эттирамиз, ишончим комилки, тўрт-беш ойдан кейин ноқонуний мигрантлар билан боғлиқ вазият аниқ ўзгаради”, — дея унинг сўзларини келтиради ТАСС.
