Туркия Ташқи ишлар вазири Ҳоқон Фидан АҚШ ва Эрон ўртасида тинчлик келишувига эришилса, Анқара Ҳўрмуз бўғозида миналарни тозалаш ишларида қатнашишга тайёрлигини билдирди. Бу ҳақда у бугун, 25 апрель куни Буюк Британияга амалга оширган расмий ташрифи давомида ОАВ вакилларига маълум қилди.
Оксфорд университетида бўлиб ўтган тадбирдан сўнг журналистлар билан суҳбатлашган вазир Туркия можародан кейинги тикланиш жараёнларига ижобий қарашини таъкидлади. Фиданнинг сўзларига кўра, Анқара техник ва инсонпарварлик характердаги вазифаларни бажаришга қарши эмас.
«Айтайлик, Эрон ва АҚШ ўзаро келишувга эришди ва тинчлик ўрнатилди. Бундай вазиятда халқаро коалиция миналарни тозалаш каби техник ишларни амалга оширишида ҳеч қандай муаммо йўқ. Президентимиз томонидан Миллий мудофаа вазирлигига бу бўйича тегишли топшириқлар берилган», — деди Туркия ТИВ раҳбари.
Ҳоқон Фидан Ҳўрмуз бўғозидаги вазият бўйича воқеалар ривожининг иккита эҳтимолий йўналишини очиқлади:
Биринчи сценарий: Музокаралар муваффақиятли якунланиб, денгиз йўллари ҳеч қандай чекловлар ва қўшимча тўловларсиз халқаро юк ташиш учун очиқ қолади.
Иккинчи сценарий: Агар музокаралар натижа бермаса ва уруш давом этса (ёки янги низолар чиқса), бўғоздаги «муаммоли ҳудудлар» масаласи кун тартибига чиқади.
Вазирнинг таъкидлашича, Туркиянинг позицияси вазиятга қараб ўзгариши мумкин. Агар минтақада ҳарбий ҳаракатлар қайта бошланса, Анқара ўз миллий манфаатлари ва хавфсизлик сезгирлигидан келиб чиқиб, бошқача позиция тутади.
«Бу масаланинг айрим жиҳатлари ташқи сиёсатимизга мос келади, айримлари эса йўқ. Президентимизнинг бу борадаги позицияси қатъий ва аниқ», — дея хулоса қилди Ҳоқон Фидан.
Ўзбекистонлик икки футболчи Португалия клубига йўл олмоқда
Ҳакам: Ҳусановга қизил карточка кўрсатиш керак эди!
"Реал" Чемпионлар лигасида иккинчи бор ғолиб бўлди
