Туркия чемпионати. Шомуродов ва Файзуллаев гол урган ўйинда "Башакшеҳир" "Қосимпошо"ни бир киши кам бўлиб енгди (ВИДЕО)

Туркия чемпионатининг 14-турида "Истанбул Башакшеҳир" "Қосимпошо" меҳмони бўлди ва 3:1 ҳисобида ғалаба қозонди.

26-дақиқада Аббосбек Файзуллаев жарима зарбасидан чиройли гол урди. 45-дақиқада Амин Харит Орадаги фарқни иккитага оширди.

"Башакшеҳир" ҳужумчиси Деви Зельке 75-дақиқада иккинчи сариқ карточкадан сўнг майдондан четлатилди. Орадан 4 дақиқа ўтиб, Адем Ароус орадаги фарқни биттага қисқартирди. 90+7-дақиқада яна бир ҳамюртимиз Элдор Шомуродов ўз номини таблога ёздириб қўйди ва якуний ҳисобни ўрнатди - 3:1.

"Башакшеҳир" бу ғалаба эвазига 16 очко билан 9-ўринга кўтарилди.