Турк Қизил Ярим Ой жамияти Ғазо аҳолисига ифторлик уюштирмоқда

Турк Қизил ярим ой жамияти вайрон бўлган уй вайроналари остида ифторлик қилаётган бир оиланинг суратлари билан бўлишди.

Турк Қизил Ярим ой жамияти томонидан эълон қилинган баёнотга кўра, Ғазодаги гуманитар инқирозни юмшатиш учун ёрдам ҳаракатлари давом этмоқда.

Шу муносабат билан Рамазон ойида Ғазога хизмат кўрсатадиган ошхона сиғими оширилиб, кунига 30 минг кишига етди.

Ғазо шимолидаги Римал ва Дейр Белаҳ ҳудудлари билан жанубдаги тарқоқ Хон Юнус ва Рафаҳ аҳоли пунктларида ифторлик дастурхони уюштирган Турк Қизил ярим ой жамияти, асосий ошхона эҳтиёжларини қондириш учун 50 минг озиқ-овқат пакети тарқатмоқда.

Турк Қизил Ярим Ой жамоалари, вайроналарга айланган уйларида кўплаб оилаларнинг ифторлик таомлари тарқатишда давом этганига гувоҳ бўлди.

Улар орасида Ғазо жанубидаги Хон Юнус ҳудудидаги тўқнашувлар натижасида уйи вайроналарга айланган Абу Амун оиласи ҳам бор. Турк Қизил Ярим Ой жамияти томонидан тақдим этилган суратларда беш кишилик оила вайроналар орасида қурган дастурхонда ифторлик қилаётгани акс этган.