— Алло, бу поликлиниками?
— Ҳа.
— Анализларни почта орқали қабул қиласизларми?
— Ҳа, фақат электрон почта орқали.
* * *
“Тез ёрдам”га қўнғироқ қилишди:
— Илтимос, менга ёрдам беринг! Умрим 59 сониягина қолди.
— Хўп бўлади, бир дақиқа…
* * *
Янги ўзбек банкка келиб ҳисобчидан сўради:
— Сизлардан юз долларгина кредит олсам бўладими?
— Ҳа, бўлади. Аммо сизга айтиб қўяй. Банкимизда эски қоидалар сақланиб қолган. Яъни, кредит олаётганингизда ниманидир гаров сифатида ташлаб кетишингиз лозим.
— Ана, “Кадиллак” машинамни ола қолинг!..
— Бўпти, йилига уч фоиздан қўшиб қайтарасиз!
Янги ўзбек юз долларни олди-да, бир йилдан сўнг бир юз уч доллар қилиб қайтарди.
Ҳисобчи ундан сўради:
— Тушунмадим. Бизни аҳмоқ қилмоқчи бўлдингизми? Шундай бадавлат одам банкдан юз доллар олиб ўтирса?! Ё бунинг бирор сири борми?
— Албатта. Ўзингиз ўйланг, шундай машинамга сизлардагидай арзон гаражни қаердан топаман, ахир?